ايه رايكم فى سى السيد اللى فى البيت وياترى هو نفسه بيكون سى السيد خارج البيت ؟
يعنى الراجل فى البيت بيكون صوته عالى وعصبى وكمان مش بيساعدفى اى حاجة, طبعا انا مش عايزة الرجالة تقوم بتنظيف البيت بس ليه لما يكون مثلا عايز يشرب يقول لاخته او لمامته او للزوجة زجاجة مياة يا حبيبتى برغم انه ممكن يكون جالس جنب الثلاجة مثلا, ولاليه لا ينظف مكان اكله برغم انه ممكن يكون بياكل لوحده , دى امثال بسيطة جدا بالنسبة للواقع .
وبرغم من سى السيد اللى فى البيت تلاقية فى الخارج جينتل مان بجد يعنى صوت هادى جدا بل مرن بل مرح جدا جدا ولو فى شغلة ممكن يساعد زميلة له فى اى شئ ,يا ترى دا اسمه ايه تناقد والسبب فى سى السيد دا الام يعنى طريقة التربية منذ الصغير ولا المدرسة على اساس ان فى حصة الاقتصاد المنزلى تلاقى يا حرام البنات موجودة والاولاد بيلعبوا كرة رجالة بقى, يعنى تفرقة عنصرية .
طبعا سى السيد دلواقتى نازل لعن فيا
موضوع: سى السيد فى البيت 
الإثنين أكتوبر 12, 2009 9:10 pm
