انتي تدفعي وانا انفض

انتى تدفعى ..انا أنفض .. ايه المشكلة ؟

حاجة فعلاً تغيظ وتفقع وتخلى الواحد يشد فى شعر اللى جانبه اتحدث عن تلك الاعلانات المستفزة التى نراها ليل نهار على شاشات بعض القنوات الفضائية
اعلانات غريبة واكيد حضرتك شفت منها كتير
يقولك مثلاً ( شاب 30 سنة و ساعات اقل وسيم جميل محصلش مفيش منه يبحث عن زوجة ثرية وياريت تكون ثرية جدا خالص وعندها شقة ويا سلام بقى لو قصر وبتاع 15 – 16 عربية ولا يهم السن بس هى توافق ) هو يعنى اكل وبحلقة اما مصيبة والله
بذمتك مش شفت اعلانات كتير من هذا النوع هذه الاعلانات بتنرفزنى وتثير غضبى الى اقصى حد ممكن من هذا الشباب المتواكل الذى ينتظر ان تمطر عليه السماء ليس فقط ذهب وفضة بل الماظ ومرجان وياقوت ولؤلؤ وساعتها جايز من هول الصدمة وعظمة الفرحة ينسى يقول احمدك يارب
هذا النوع الذى يحلم بأن يغمض ويفتح ليجد نفسه امام مغارة على بابا دون ان يتعب دون ان يبذل ادنى جهد عاوز كل شئ على الجاهز وشاطر بس يلعن الدنيا والظروف والعيشة دون ان يتوقف لحظة
لحظة يسأل فيها نفسه انا عملت ايه عشان اغير من حالى ؟
مذا قدمت لمستقبلى ؟ هل استحق هذه الرفاهية ؟ وهل ستأتى هذه الرفاهية هكذا بدون ادنى تعب فى لمح البصر ؟ ولو جاءت يعنى ده لو حصل هل ستستمر والى متى ؟
وخد عندك عشرات من الاسئلة الضرورية والملحة الذى يرفض ان يتعاطى معها او حتى يسمعها
هذا النوع الذى يريد ان يعيش ويتعايش على عرق وتعب ناس اخرين ويضحك على نفسه ويسبح فى بحر اوهامه اللانهائى ويصدق ويعتقد انه لا يفعل الا الصواب
بجد حاجة غريبة ومؤلمة للعقل محاولة التفكير فى هذا الامر لهؤلاء اقول
كفاكم عبث الحياة اجتهاد وليست تواكل وانتظار لحلم مستحيل ان يأتى ولو حدثت معجزة و أتى تفتكر ساعتها راح تكون سعيد حاسب فكر شوية قبل ما تجاوب

موضوع جميل يا شروق وربنا يجعلنا من المتواكلين وليس المتواكلين

» اخطأت ... أعتذر ... وانا آســــــــف