الصين ماركة مسجلة

السلام عليكم

صنع فى الصين عبارة بنشوفها على كل حاجة فى الدنيا دى وكل حاجة بنلبسها وبناكلها وبنشتريها ولكن هناك اشياء لم اتوقع انها تصنع فى الصين لان بلدى عاجزة عن صنعها ولما ما نقدرش احنا نصنعنها يبقى قول علينا السلام.

علم مصر اللى اشتريته عشان اشجع مصر والجزائر مكتوب عليه صنع فى الصين.

الكبريت صنع فى الصين

الشرابات اللى بشتريهل صنع فى الصين

الكياس البلاستيك صنع فى الصين

كل العاب الاطفال صنع فى الصين

الذهب الصينى اللى مالى الاسواق

المناديل الورقية صنعت فى الصين

كل شىء نتخيله ولا نتخيله صنع فى الصين

ومؤخرا ظهر فى التليفزيون ادوية صينية تباع فى الاسواق بأسعار زهيدة جدااااااااااااااااااااا فى العتبةوالازبكية
والناس طبعا تشترى وبعد يومين تلاقى كل الامراض عندها

الموبايلات الصينى صاحبة الصوت المزعج والتى تتمتع بكماليات تتساوى فى كماليتها مع نوكيا وI phone APPLE وسعرها لا يتعدى 400 جنيه وطبعا اخر العدة دى تقعد معاك 5 شهور وتهنج .

والمافجأة المرتقبة نزول العروسة الصينى الى الاسواق لتخفف على الشباب نفقات الزواج ويكون الزواج لا يتكلف كثيراااااااااااااااااااااااا .

السؤال الموجه لما الصين بتصنع كل حاجة حتى المناديل احنا بنصنع ايه فى بلدنا والمصانع دى فاتحة ليه ده حتى العلم اللى بيعبر عنا بنستورده من الصين؟

طبعا لا انكر ان الصين شعب يعمل بجد واجتهاد وبضمير فلماذا نحن لا نتعلم منه بدل ما نستورد منهم كل شىء يهمنا وما يهمناش ؟

اين الرقابة فى الجمارك التى تسمح بدخول اشياء تتنافى مع ديننا ومبادئه؟