انت اصلى ولا مضروب ؟؟

انت اصلى ولا مضروب ؟؟

يعنى اية انت اصلى ولا مضروب؟؟؟
ولية هنتكلم فى الموضوع دة اللى ممكن اول ماتشوفة تضحك وتقول دة موضوع تافة؟؟
هو موضوع مش تافه زى ماناس كتير هتفتكر يلا بينا سوا نشوف اذاكنا (اصلى)ولا(مضروب)
اولا:لما بتنزلى تشترى لبس بيبقى كل همك الموضة وصيحاتها ولا بتفكرى فى اللى بيكون لايق عليكى ومش شرط يكون من احدث صيحات الموضة؟
ج:لو انتى بتفكرى ان الموضة اهم حاجة بغض النظر عن اللى يناسبك ولايق عليكى تبقى انتى (مضروب)اما بقى لو بتفكرى باللى لايق عليكى ويناسبك اكيد طبعا هتكونى (اصلى).
ثانيا:لما بتيجى تشترى موبايل بتقولى لازم اشترى موبايل اخر موديل نزل من شركات المحمول ولا اهم حاجة فية انة بيادى الغرض منة لما تحتاجية وتعملى منة المكالمات المهمة.؟؟؟
ج:طبعا لو اهم حاجة يكون احدث موديل فانتى للاسف(مضروب) ولو المهم منة الغرض فانتى(اصلى).
ثالثا:لما بتكونى لسة بقى داخلة الجامعة جديد وراسمة فىت دماغك بقى مرحلةمختلفة تماما عن اللى قبلها لما بتيجى تختارى اصحابك بيكون كل اهتمامك اتجاة الاصدقاء اللى هما اغنيا بقى وستايل وفلوسهم كتير بيصرفوها هنا وهنا ؟؟ ولا بينصب اهتمامك على الملتزمين المحترمين اللى عندهم اخلاق وعارفين حدودهم كويس.؟؟؟؟
ج:طبعا لو كل حاجة عندك المظاهر يبقى احنا كدة ضعنا وطبعا(مضروب) اما لو همك فى الاخلاق والالتزام فانتى (اصلى)والحمدلله.
رابعا:لو خارجة مع اصحابك تتفسحوا وكدة وقاعدين فى مكان عام وحواليكوا شباب وشفتى واحد بقى امور وجنتل وعجبك هتعلى صوتك علشان تلفتى نظرة

وتكونى ظاهرة فى القعدة ولا بتحاولى بقدر الامكان انك تكونى هادئة وتزنة وملتزمة وتراعى ان حواليكوا شباب وانتوا بالنسبالهم فتنة
ج:اكيد طبعا لو كان كل همك انك تلفتى نظرة يبقى علية العوض ومنة العوض (مضروب...مضروب)
اما بقى لو انتى متزنة وهادئة وعاقلة ومدركة للى مفروض تراعية وتاخدى بالك منة اثناء تواجد الشباب تبقى انتى(اصلى)
خامسا:لو راكبة فى مواصلة وكنتى قاعدة وشفتى ست عجوزة واقفة هتقولى وانا مالى انا اقف لية انا جاية قبلها .ازاى اقف واوجع رجلية؟؟؟ولا هتقومى طبعا بكل ذوق واحترام وتقوليلها اتفضلى اقعدى انا ممكن اقف مفيش مشكلة.
ج:طبعا لو فضلتى قاعدة يعنى معندكيش دم(مضروب)ولو قعديتها وجيتى على نفسك شوية مايجراش حاجة يعنى مش مشكلة وكنتى ذوق يبقى (اصلى)ومحدش يقدر يقول غير كدة.
سادسا:لو كان فى جنب بيتك حد متوفى هتشغلى الكاسيت على اخرة عادى ولا هتراعلى مشاعر الاخرين والناس اللى جنبك وتحاولى تشاركيهم حزنهم وتخففى عنهم؟؟؟
ج:طبعا لو قولتى انا مالى هو اللى مات دة قريبى يبقى (مضروب)ومفيش احساس خالص ولو راعيتى مشاعر الناس تبقلاى انسانة حساسة وكويسة (اصلى طبعا)
.......................................................................................
وفى النهاية احب اوضح انى حبيت اتناول المضوع دة بشكل خفيف من غير مايكون رخم او غلس وكمان انا مش بطلب من حد ولا حتى من نفسى انة يكون(perfect) لان محدش فى الدنيا دى كامل يمكن ان الواحد احيانا بيسعى الى الكماال لكنه عارف ان مفيش حد كامل غير ربنا والكمال لله وحدة دة اولا.
ثانيا:احنا مش كل الاوقاات (اصلى)ولا كل الاوقات(مضروب) احيانا فى حاجات بتفلت منا ومابنحاولش نصلحها .
الغرض من التوبيك دة مش ان كل واحد يعلق ويقول انا اصلى ومثالى وتمام التمام لكن علشان كل واحد يدور جواه ويشوف الغلط ويصلحة لان فى الاول وفى الاخر انتى مش بتكذبى على حد باجابتك لكن بتكدبى على نفسك وبتاذيها كمان ومن الافضل بدل الكذب على النفس نبص جوانا ونصلح الغلط دة ومش هنخسر حاجة بالعكس هنكون احسن فى نظر الناس والاهم فى نظر نفسنا.
والامثلة دى من ابسط الامثلة اللى بنتعرض ليها يوميا والحياةمليانة ويااما فيها.
.................................................................................

تسلم ايديك مجهود اكثر من رائع

بجد انت لمستي كل حاجه بطريقه ظريفه برافو عليكي

انا مصرى هههههههههههههههههه
موضوع رائع تستحق نجمة الابداع والتالق

bissolover كتب:: تسلم ايديك مجهود اكثر من رائع

بجد انت لمستي كل حاجه بطريقه ظريفه برافو عليكي

اشكرك يا بيسو (انت عارف دة اقل حاجة عندى )
بجد اشكرك ع مرورك

mezo كتب:: انا مصرى هههههههههههههههههه
موضوع رائع تستحق نجمة الابداع والتالق

اميرسى يا ميزو (اخجلتم تواضعنا)

موضوعك بجد جامد جدا يا نسيت انساك بجد برافو عليكي يا قمر

الموضوع ده اصلى يا princes مش مضروب
تسلم ايدك

على فكرة اسم موضوعك جامد والموضوع نفسه احلى بكتير ومش تافة ولا حاجة
تسلمى يا جميل

اهم حاجه مضمون الموضوع وهدفه والى ماذا يرشدنا
بس برافو عليكى انتى حولتى الموضوع من كلام تافه الى موضوع هادف
شكرا لافادتك

fisher كتب:: الموضوع ده اصلى يا princes مش مضروب
تسلم ايدك

ميرسى يا فيشر يا برنس ماى ستار وبرنس اصلى كمان

زينه كتب:: موضوعك بجد جامد جدا يا نسيت انساك بجد برافو عليكي يا قمر

ميرسى يا قمر انتى بجد نورتى موضوعى (تسلميلى يارب )

asmaa كتب:: على فكرة اسم موضوعك جامد والموضوع نفسه احلى بكتير ومش تافة ولا حاجة
تسلمى يا جميل

ربنا يخليكى يا سومة

wayvern كتب:: اهم حاجه مضمون الموضوع وهدفه والى ماذا يرشدنا
بس برافو عليكى انتى حولتى الموضوع من كلام تافه الى موضوع هادف
شكرا لافادتك

اشكرك wayvern واتمنى فعلا انى اكون قدمت موضوع هادف

فعلآ انتى غيرتى مصار الموضوع
وبعدين كل الردود لصالحك
بجد تسلم ايدك

اشكرك wayvern

تستحقين نجمة التالق والابداع

ربنا يخليك يا ميزو