نكت جديده

موضوع: نكت جديده الإثنين نوفمبر 09, 2009 11:18 am

يارب تعجبكم

جماعه ارهابيين أغبياء حبوا يفرقعوا مدرسه حطوا القنبله فى الدور الاول واستخبوا فى الدور التانى

مره واحد غبي راح السنيما هو ومراته اول ما النور طفا قال لها جومى يا واليه شكلهم هيناموا

مرة واحد راكب حمار فبيعدى على بنزينة لقا ايه لقا ان العربيات كل ما يتحطلها بنزين تطلع تجرى راح دخل البنزينة وقال للراجل حط للحمار عشرة لتر بنزين عشان يجرى اول مالراجل حط للحمار بنزين طلع يجرى ويرفس ويتشنج وجرى بعيد قام الراجل قاله حطلى انا بقى عشرين عشان الحقه

غبي حب يغرق ابنه خرم له المايوه

واحد فافى وهو نازل من البيت أمه سالته رايح فين؟ فقال لها مش هقولك انا حر ، نزل ووقف تاكسى فالسواق ساله على فين يا باشا؟؟؟ قال له يعنى أنا مقولتش لامى هقول لك أنت

مرة واحد مجنون كان بيكتب جواب فدخل الدكتور عليه قاله بتعمل ايه قاله بكتب جواب لنفسي فراح الدكتور قاله بتكتب فيه ايه فرد عليه المجنون يامجنون هو لسة جالي عشان اعرف

إتنين أغبية إشتروا حصانين وعاوزين يفرقوهم عن بعض راح الأولاني قطع ديل حصانه وقال لزميله أنت حصانك ديله مش مقطوع قاله لا مش باينه، راح شوية ورجع راح قاطع رجل حصان زميله وقال له حصانك رجله مقطوعة قال له لا مش باينه، راح قاطع راس حصانه ورجع قاله حصانك راسه مش مقطوعة قاله بيتهيألي أوضح حاجه إن حصانك بني وحصاني أبيض

مرة أغبية سافرو امريكا واحد منهم رجع والتانى مرجعش... فواحد سألة فين صاحبك؟؟؟ قال له ده اول ما راح هناك اتجنن من ناحكات السحاب وطلع عمارة 500 دور ... ورمى نفسة من الدور ال 500 ونزل فى 3 ايام ..... قال له ومات ؟؟؟؟ قال له انت عايزه ينزل فى 3 ايام من غير اكل و لا شرب وما يمتش

مرة حلاق بيعلم ابنه الحلاقة فدخل زبون المحل يحلق دقنه فقال لابنه "لو جرحت الراجل هاضربك" بدأ الابن فى الحلاقة فجرح الراجل فجاء الاب ليعطيه بالكف فابعد الابن نفسه فضرب الزبون، ثم اكمل الابن فجرح الرجل مرة اخرى وتكرر نفس الموقف، ثم جاءت المرة الثالثة وجرح الرجل فقال للولد "اسرع وخبا الجرح قبل ان يراه ابوك

مرة واحد غبى واقف في الشارع و بيتكلم في المحمول و عمال يزعق و يقول: بس دوري تاني ، دوري كويس. واحد معدي في الشارع سأله: في إيه ؟؟ راح واخد المحمول منه وبيسمع ..لقى .. (الرقم الذي طلبته غير موجود في الخدمة)!!

اتنين مساطيل عايزين يهربوا من مستشفى المجانين، قالو نعمل خطه، لو السور طويل نقصره شويه ونهرب، ولو السور قصير نهرب على طول، راحوا ملقوش سور خالص، قالوا يلا نرجع الخطه فشلت

واحد غبي معاه 150 جنيه. قاعد يقسمهم ويقول 50 جنيه للسكن، 50 جنيه للأكل، و50 جنيه للبانجو. الباب خبط. مين. افتح بوليس. راح مقطع الخمسين جنيه بتاعة البانجو

مرة واحد غبي ضاعت محفظته راح القسم عمل محضر الظابط بيقولوا ماتقلقش يابلدينا هنجبهالك من تحت الأرض وبعد ما خرج من القسم شاف الناس بيحفروا للخط بتاع المترو راح قايلهم الهمة يارجالة سودة وبسوستة

واحد غبي طلع برج القاهرة في اخر دور وبص على الناس تحت لقاهم صغيرين جدا وركز على واحد منهم وكلما كان ينزل دور كان يلاقي حجمه يكبر حتى وصل للدور الارضي راح للراجل وحضنه وسلم عليه فساله الراجل انت تعرفني قال له طبعا يا راجل ده انا اعرفك من وانت صغير قوي

واحد بخيل دخل على ولاده وقعد يزعق بصوت عالى علشان مشغلين المروحه على 3 وهما 2 بس

واحد بخيل قال لابنه : إنجح السنة دي وانا أجبلك كورة .. الولد شد حيله ونجح .. أبوه إشترى له كورة .. وقال له : طب لو نجحت السنة الجاية أنفخها لك

سألو واحد بخيل طحن: تعمل ايه لو الدنيا برد؟ قال: أروح جنب الدفاية. قالو: ولو الدنيا بردت أكتر؟ قال:أقرب من الدفاية. قالو: ولو بردت أكتر؟ قال: ألزق في الدفاية. قالو: طب ولو نزل تلج؟ قال: أشغل الدفاية بقى وأمري لله
واحد محشش فتح محل سماه منجره الاقمشه الكهربائيه لحلاقه الاحذيه الطازجه

مسطول لابس جزمة ، فردة بيضة والتانية سوده .... قابله مسطول تاني وقاله: "ايه ياواد الجزمه الشيك دي. راح المسطول الاولاني حط رجل علي رجل وقاله: وشرفك إنت.. عندي جوز جزم تاني فى البيت شبهه بالظبت

اتنين مساطيل اتفقوا انهم يسرقوا العماره اللى قدامهم فالحرامى الاول اقترح انهم يزقوا البيت الى مكان بعيد وفاضى علشان يسرقوا براحتهم فخلعوا ملابسهم وفضلوا يزقوا فى البيت فات من جنبهم واحد حرامى سرق الملابس فواحد منهم بص وراه ملقاش الهدوم قال بس كفايه كده احنا بعدنا اوى

.

موضوع: رد: نكت جديده الإثنين نوفمبر 09, 2009 4:24 pm

نكت جميلة تسلم ايدك

موضوع: رد: نكت جديده الإثنين نوفمبر 09, 2009 8:58 pm

هههههههههههههههههههههههههههههههههههههههههههههههههههههه
على فكرة نكت ملهاااااااااااااااااااااااااااااااااااااااااااااااااااااااااش حل
تسلم ايدك يا باشا

موضوع: رد: نكت جديده الثلاثاء أبريل 06, 2010 9:29 pm

جااااااااااامد wayvern